Sveitasaga

Daginn allir!

Það er margt að gerast þessar vikurnar.

Ég var í síðustu helgarlotunni í svæðisleiðsögunáminu núna um helgina og svo er bara próf 16 og 17 apríl. Bara lestur framundan og skoða efni til að falla ekki á prófinu, það væri algjör synd að falla. Á ekki mikið eftir af verkefnum. Bara einhvað sem að á ekki að vera búið að skila. Dugleg :)

Ég er búin að vera heima í sveitinni síðastliðnar 3 vikur og er alveg yndislegt að vera heima með litla strákinn minn. En hann dafnar vel eins og lög gera ráð fyrir. 

Það helsta sem er að frétta úr sveitinni er að allir eru hressir og búnir að vera það. Við byrjuðum að klippa kindurnar í dag. Tókum 12 stykki í dag og svo er stefnan að halda áfram á morgun. Mamma situr og prjónar sokka, vettlinga, griflur og fleira á meðan pabbi er úti að renna dollur. Alveg magnað hvað það er að koma flottar vörur frá þeim sem verða auðvitað til sölu í Gullhólnum í sumar. Núna er ég einnig að láta vinna að nýjum bæklingi fyrir okkur auk þess sem ég er að spá í að hafa ljósmyndasýningu í Gullhólnum í sumar. 

Allt gengur sinn vanagang en ég ætla að skrifa fljótlega aftur um hvað er að gerast.

Minni á að ef fólk vill skoða eldri blogg frá mér eða myndir að þá er gamla síðan mín http://gudny-gudny.bloggar.is